handarbeidet mitt

Kjekt å sjå, men må nok skuffe

karikari — Fri, 31 Aug 2007 14:25:02 +0000

Kjekt å sjå at det framleis er folk innom handarbeidsbloggen min. Trur kanskje me erklærer bloggen for død. Kan heller bruke vanlegbloggen til handarbeid. Var ikkje så god idè som eg hadde tenkt…

Kva er dette?

karikari — Tue, 01 May 2007 16:27:48 +0000

Kva trur de gøymer seg inne i denne finurlege dingsen?

Tips: Les tidlegare i bloggen

Ein lærer så lenge ein har lever

karikari — Sun, 29 Apr 2007 14:42:34 +0000

Dette vert vel ikkje karakterisert som handarbeid, men eg meiner at når ein har stoff, tråd, nål eller liknande mellom hendene, så er det handarbeid.

Eg måtte nemleg leggje opp uniformsbuksa mi sjølv. Eg hadde ikkje heilt peil på korleis ein skulle gjere det, men fekk ikkje eg det til då? Jau, klart gjorde eg det.

Trikset er å ikkje stikke gjennom stoffet, men berre hekte seg inn i det på innsida, på ein måte. Om det held gjenstår å sjå. Håper det, for det var litt kjedelig, eigentleg.

Men eg er flink. No skal eg bøte potetåa på strømpebuksa mi før selskap til Lena. Det er ikkje så nøye om vert fint eller ikkje. Det er berre så ikkje tåa skal stikke ut – tittei!

Nettbank-ID

karikari — Mon, 09 Apr 2007 11:17:40 +0000

No har eg hekla ein dings til nettbank-iden min. Eg legg ut bilete seinare – gidd ikkje å makke med det akkurat no. Då kan eg også ta opp bestilling dersom nokon ynskjer seg ein slik.

Hoffa

karikari — Mon, 09 Apr 2007 11:10:58 +0000

Men gjett kven som la at spøtet sitt i Oslo då? Det var eeeeg. Så det har ikkje vorte noko Mariusstrikking på meg i påska. Stakkars svigermor. Ein dag eg hadde eit av utbrota mine om at eg kjeda meg, kom ho springande med tråd som skiftar farge av seg sjølv slik at det vert striper. Og pinnar. Og setninga “Her, no kan du strikke deg eit par sokkar”. Det er for så vidt ho som har strikka mesteparten av bråtet og det er så langt eg har kome. Men eg skal i allfall ikkje syte, eg har hatt spøt. Men eg ville strikke Marius, men sånn går det når ein gløymer – er min eigen feil.

Det går seint

karikari — Sun, 01 Apr 2007 11:13:17 +0000

Eg veit ikkje om eg har strikka sidan sist. Eg tek med genseren heim til påske og satsar på at det vert litt då.

Sparebankkodedingsen

karikari — Thu, 08 Mar 2007 11:35:34 +0000

Viser til PK sin blogg om “framsteg” der han er redd for å øydelleggje den nye kodedingsen me har fått med sparebanken vår.

Eg trur kanskje eg skal hekle han eit kodedingsvern!

Fleire som har lyst på?

Symaskina mi

karikari — Sun, 04 Mar 2007 20:05:19 +0000

Tenkte eg skulle skrive litt om den kjære symaskina mi.

Eg har liksom alltid drømt om å kunne sy. Sy klede, det må då vere noko. Sy sine eigne ballkjolar. Og sy småting. T-skjorter, toppar, skjørt. Det verkar så gøy.

Eg hadde lyst på symaskin, men dei kosta då 10.000 og sånn. Så begynte eg å tenkje om ikkje nokon av besteforeldra mine snart skulle pensjonere seg frå symaskinene sine. Men besta si er så dårleg at ho bruker å låne mamma si og mormor ante eg ikkje om hadde ein gong.

Men så var det tilbod på … EUROPRIS!!!! Tusenlappen kosta det for ei symaskin. Pappa skulle fikse. Han kom heim med ei. Men det var ikkje tusen ho kosta. Mindre. Hugsar ikkje kva det var, men det var ein stad mellom 500-1000 kr. Hugsar du, mammapappamin?

Her er ho:

Er’kje ho pene (som Eilert Hovden sa det så bra på russekortet sitt)

Ho har ikkje noko namn, ikkje noko merke. Hehe.. einaste som stend med bokstavar på heile maskina, er “Knappehull Funksjon”.

Men ho funkar bra. Syr og styrer. Trur eg og symaskina matchar kvarandre i nivå og ambisiøsitet.

De skulla sett meg der eg sit og syr. Det er “køyr på”-prinsippet! Heller rekke opp om det vert for gale. Kan ikkje måle og planlegge for mykje. Og strykejarnet gidd eg ikkje ta fram

Så det vert som det vert.

Eg kosar meg

(Men eg tek ikkje imot bestilling enno)

Ein søndags føremiddag

karikari — Sun, 04 Mar 2007 19:56:35 +0000

Eg er glad eg ikkje er gammal dame. Besteforeldregenerasjonen min meiner kanskje ikkje det er synd å bedrive handarbeid på ein søndag, men dei mokkar litt, dei gjer det. Besta høyrer heller radio, seier ho.

Eg er glad eg ikkje er gammal dame. For dei er kanskje handarbeid arbeid, men for meg er det meir hand. Hehe..

Eg var åleine heime i føremiddag. PK var på styremøte (apropos kva som er synd på søndag) og eg nytta høve til å rigge opp symaskina mi.

Eg fekk symaskin “til jul” (i oktober) med mammapappamin og eg er heilt elendig å sy, men eg kosar meg desto meir.

I dag fiksa eg ei gammal bukse. Den blå, veit de. Den som er lagt opp med sikkerheitsnåler og har hål både her og der, men som er skikkeleg ålreit bukse å gå i.

Det vart ikkje så fint, men eg sydde att det digre holet i skrittet (på buksa, æsj, nei no var eg ekkel) og klipte av det sletne stoffet nedst på beina og sydde på noko rutete stoff (frå ei pysjskjorte kjøpt på loppis. pysjbuksa søv eg i om nettene) nedst som eit bråt og så hadde eg strekk i. Eg legg ut eit dårleg bilete.

Som sagt, arbeidet blei ikkje fint, men det var kjekt og eg følte det var litt nyttig òg.

PK, som ikkje har vidare peiling, sa at det såg ok ut på avstand. Heldigvis er beina mine ofte “på avstand”. Han var då på den andre sida einig i at det ikkje såg heilt bra ut på nørt hald.

Fastest growing?

karikari — Mon, 26 Feb 2007 12:49:12 +0000

Hm. nei no mista eg litt respekt for denne “fastest growing”-greia. Kva er kriteria her eigentleg. Det er få treff, ingen kommentarar og lite aktivitet på denne bloggen her.

Sker’a?

Men ikkje slutt og kik innom av den grunn. Har begynt på nye vottar. Men er litt usikker, kanskje det vert pulsvarmarar i staden.